Mendi hamabostaldia 2015

Aloña Mendi elkarteak antolatuta
Noiz 2015/11/19
19:30 - 20:00
Non Kultur etxean
Hitzordua egutegira gehitu vCal
iCal

Azaroak 10, martitzena, 19:30: Inkayak, Inken bailarak piraguan (gaztelaniaz). Sinopsia: Bada mendi ingurua ezagutzeko beste modurik. Ibaiak dira mendiak zeharkatzen dituzten bide naturalak eta Eneko Iartza Arabolatza euskal kayakari abenturazaleak Peruko ibai luze eta sakonetako ikuspuntua aurkeztuko digu. Hego Ameriketako zibilizazio nagusiena izan den Inken lurraldea ezagutuaz Eneko eta kideek egun ugaritako espedizio luzeak egin zituzten Andeetako ibaietan zehar, beharrezko guztia txalupa barruan eramanez, batzuk arroila sakon eta altitude handian hasi eta Amazoniako oihanean bukatuaz, ia amaiezinezko ur-bizietan konkista aurreko garaietako bizimoduaren hondakinak ikusiaz.

Azaroak 11, eguaztena, 19:30: Cho Oyu. Oier Plazaola urretxuarrak 2014 urtean Cho Oyura eginiko espedizioari buruzko emanaldia.

Azaroak 13, egubakoitza, 19:00: Espeleologia emanaldia "Urzulo" eta Aloña mendi saileko argazki lehiaketaren sari banaketa.

Urzulo.jpg

Azaroak 17, martitzena, 19:30: Unai Mendia, eskalada mistoari buruz. Gaur egun, alpinismo munduan, altuera aurkitu gabe, konpromisodun lerro zail eta berritzaileen bila dabilen generazio berriko adierazle handienetako bat dugu Unai Mendia. Pirinioak eta Alpeak dira haien jomuga, eta eskalada mistoan, harri eta izotzetan, abangoardia dira gaur egun.

Azaroak 19, eguena, 20:00: Zinekluba. Valley Uprising. Eskalatzaileen sakontasun filosofikoa agertzen da filmean, mendiarekin duten harremana, performance-arekin, eta mugak gainditzeari dioten errespetua. 50 hamarkadako naturalismotik eta beatniketatik ekinda, hippyen iraultzatik zehar igarota, LSDa, 60eko musika, Caldwell eta Alex Honnold egungo eskalatzaile puntakoetaraino.

Valley-Uprising.jpg

« Maiatza 2021 »
Maiatza
AlAsAzOgOrLrIg
12
3456789
10111213141516
17181920212223
24252627282930
31