"Demokraziaren Berrikuntza" jardunaldiak

Ikastaro hau demokraziaren berrikuntzan gogoeta sakona egiteko aukera eskainiko duen jardunaldi berezia izan nahi du.

Hizkuntza: Ikastaroa hiru hizkuntzetan jarraitu ahal izango da (Euskara, Gaztelania, Ingelesa).

Gaur egungo testuinguru globalean, non demokraziaren oinarriak kolokan jarri diren hainbat tokitan, ezinbestekoa da kultura demokratikoa sendotzea eta berrikuntza demokratikoaren aldeko apustua egitea. Ikastaro honek tokiko eta nazioarteko adituen ekarpenen bidez, gure testuingurutik nazioarteko eztabaida horretan egin dezakegun ekarpena aztertzea eta balioan jartzea du helburu.

Hizlari nagusiak.
Gai hauetan mundu mailako bi erreferente:
• Hélène Landemore (Yale Unibertsitatea)
• Michael Saward (Warwick Unibertsitatea)

Eta tokiko eragileak: Eusko Jaurlaritzako, Gipuzkoako Foru Aldundiko, Orkestra-ko eta Arantzazulab-eko ordezkariak eta kolaboratzaileak, besteak beste.

Arantzazulab, Gandiaga Topagunea (Arantzazu), 9:30 – 14:00