Auzoko egitasmoaren aurkezpena

Auzoko Oñatiko herritarren topalekua da. Herritar guztien hizkuntza eta kultur aniztasuna onartu eta balorean jartzen da Auzokon, eta pertsonen arteko harremanak oinarri hartuta, euskaratik urrun bizi diren herritarrak euskarara gerturatzea du xede. Hortaz, euskarara eta euskararen mundura harrera egiteko eta herriko elkarbizitza osasuntsua eraikitzeko ernamuina da Auzoko egitasmoa.

Aurkezpen ekitaldia
Auzoko proiektuaren aurkezpen ekitaldia urriaren 15ean, asteazkena, 19:00etan egingo da, Eltzia eraikinean (3.solairuko gelan).
Aurkezpen ekitaldira gerturatu eta proiektua zuzenean ezagutzeko gonbidapena luzatzen dizuegu Oñatiko Auzokide eta Auzotarrei.

• Eguna: Urriak 15, asteazkena.
  Ordua: 19:00.
  Lekua: Eltzia eraikinean (3.solairuko gelan).