Arantzazuko Amaren Eguna

Noiz 2020/09/09
07:30 - 15:30
Hitzordua egutegira gehitu vCal
iCal

- HAZ eta Udal bulegoak eta liburutegia ITXITA

 

- AUTOBUS ZERBITZUA. Irailaren 9an Oñati eta Arantzazu arteko autobus zerbitzua egongo da. Goizeko 7:30etan hasita, orduro abiatuko da autobusa Oñatitik, eta Arantzazutik behera ordu puntuetan, 8:00etan lehena eta 19:00etan azkena.

  

- COVID-19 gaitzaren hedapenak eragindako egoera aintzat hartuta, Arantzazuko Ama Birjinaren jaieguneko egitarauak zenbait aldaketa izango ditu aurtengoan. Arantzazuko frantziskotarrek erabakita, irailaren 9an meza nagusia soilik egingo da, eta horrenbestez, agintari zibilei ez zaie ohiko harrerarik zein aurreskurik eskainiko. Honez gain, Oñatiko bandak eman ohi duen kontzertua eta oñatiarren oinezko erromesaldia ere bertan behera geratuko dira.

Aurten soilik meza nagusia egingo da, basilikaren edukiera mugatuta. Hori dela eta, bertaratu nahi duenak gonbidapena jaso beharko du Arantzazuko oroigarrien dendan edota Oñatiko Txokolateixian. Pertsona bakoitzak, gehienez, bi txartel har ditzake, eta elizara sartzeko ezinbestekoa izango da gonbidapena aurkeztea. Elizara sartzeko txartelak (gonbidapenak) irailaren 9ko egunean basilikaren kanpoaldean ere eskuragarri izango dira.

Irailaren 9ko elizkizuna, Segura Irratiak zuzenean eskainiko duena, eguerdiko 12etan hasiko da, baina sarrera nagusiko ateak ordubete lehenago (11:00etan) irekiko dira, besteak beste, jende pilaketarik gerta ez dadin. Orobat, mugikortasun murriztua dutenek dorre handiko sarrera erabili ahal izango dute basilikara sartzeko.

Ama Birjinaren egunari begira, garaiz iristea gomendatzen da, azken unera arte itxaron gabe. Halaber, musukoaren erabilera derrigorrezkoa izango da, eta baita eskuak gel hidroalkolikoz garbitzea ere.

« Urtarrila 2021 »
Urtarrila
AlAsAzOgOrLrIg
123
45678910
11121314151617
18192021222324
25262728293031