"Descriptio"

Sarrera erosi

Kontzertu sinfoniko batez gozatzeko aukera izango dugu Oñatin bertan, eta ez dira oso ohikoak izaten halako programak Euskadiko herrietan, instrumentista asko eta instrumentu ezberdin asko eskatzen dituztelako, eta zailtasun tekniko handikoak izaten direlako.
Aequus Ensemble orkestrak erronkari heldu dio, eta Ludwig van Beethoven konpositorearen lanez osatutako kontzertua eskainiko du Aitor Biain Bidarteren zuzendaritzapean.

Aequus Ensemble soka-orkestra bezala sortu zen, baina emanaldi berezi honetarako perkusioa eta metal-, haize- nahiz egur-instrumentuak batuko zaizkio, programa sinfoniko eder hau eskaini ahal izateko.