“Ikusezinak. Oñatiko emakumeen lanak” Liburuaren aurkezpena

Artixa kultur elkarteak Ikusezinak. Oñatiko emakumeen lanak liburua aurkeztuko du abenduaren 13an, kultur etxeko erakusketa aretoan, 18:30ean.
(Argitalpenak Oñatiko Udaleko Kultura saileko dirulaguntza jaso du)

Argazki eta testuetan oinarritutako proiektua da, emakumeak lanean izan duen presentzia erakustea helburu duena. XX. mendeko 60-70eko hamarkadetako hainbat argazki bildu dituzte, eta bakoitzaren inguruko azalpen labur batekin osatu dute liburua.

Liburuarekin batera, 45 argazkiz osatutako erakusketa ere prestatu du Artixa taldeak, eta abenduaren 13tik 23ra egongo da ikusgai kultur etxean, egunero, 18:00-20:00.