Euskaraldia, Abiatze saioa

Joan den asteartean egin zen Euskaraldia Oñatin antolatzeko lehen saioa. Hogei lagunek parte hartu zuten eta ekimenaren nondik norakoak irudikatu zituzten: epeak, zereginak, komunikazioa, lantaldeak... Abendura bitartean egin beharreko ekintzen kronograma landu zuten. Izan ere, 'Euskaraldia, 11 egun euskaraz' ekimena azaroaren 23tik abenduaren 3ra egingo bada ere, ekimena arrakastatsua izateko beharrezkoa da aurrez hainbat lan egitea. Hurrengo bilera martxoaren 20an izango da (Euskaldun Barria gelan, 18:30). Antolaketan modu batera edo bestera parte hartu nahi duten herritar guztiei irekia da.

Izena-ematea: Udaletxeko harreran, onati@euskaraldia.eus helbidera idatzita edo inprimakia beteta.