Eskolako Bidea proiektu hezitzailea

Oñatiko Udaleko Hezkuntza sailak eta herriko ikastetxeek elkarlanean sortutako proiektua
Eskolako bidea jardunaldiak-kartela.jpg

Eskolako bidea jardunaldiak

Elkarlanean herri hobe bat amesten

Bagabiltz-Eskolako Bidea proiektua orain bost urte sortu genuen Udalaren Hezkuntza sailak eta Oñatiko ikastetxeek elkarlanean helburu honekin: Ikastetxerako joan etorrietan mugikortasun aktiboa, jasangarria eta segurua sustatzea. Baina hori baino gehiago da Bagabiltz, elkarlana, partaidetza, hausnarketa eta eraldaketa prozesu bat ere bada.

Elkarlanean egindako bide honetan, proiektua aberasten jarraitzeko unea heldu da. Horregatik, orain arte egindako lanari balioa emateko eta beste hiri eta herrialdeetako esperientzia ere ezagutzeko antolatu dira jardunaldiak.

 

 

Bagabiltzen eskolako bideei buruzko jardunaldiak, bideoan eskuragai.

Martxoaren 12 eta 14an Udaletxeko areto nagusian eskolako bideei buruzko jardunaldiak ospatu ziren, “Elkarlanean herri hobe bat amesten” izenburuarekin.

Jardunaldien helburu nagusia herriko hezkuntza-komunitateek Udalarekin elkarlanean gai honen inguruan egiten ari diren lanaren inguruko hausnarketa egitea izan da. Eskolako bidea egitasmoan Haurtzaroarekin abegikorra den herri inklusiboa bilatzeko jardunean ari dira eragile hauek. 

Gainera, Oñatin lanean ari den talde teknikoaz gain, inspirazio iturri bezala, ikasten jarraitzeko, 3 pertsona gonbidatu ziren jardunaldietara: hirigintza, herri eta hiri-ereduak, hezkuntza eta haurtzaroan adituak dira gonbidatu hauek eta beraien esperientziak partekatu zituzten.

Hitzaldiak oso interesgarriak izan ziren, Oñatin egindako lana ezagutarazteaz gain Donostiako edo Bartzelonako probintzian eman diren esperientziak gertuagotik ezagutu eta ikaspenak ateratzeko aukera izan zen. Gainera, antropologia-ikuspegitik haurrek herri eta hirietan duten papera aztertu zen, eta etorkizunera begira, komunitate jasangarriagoak eraikitzeko eta pertsona guztien autonomia errazteko gaur egun eta aurrerantzean izango diren erronkei buruz ere hitz egin zen.

Sintesi eran bideo bat osotu da

 

 

 "Bagabiltz" Eskolako Bidea proiektu hezitzailea

Mapa dena eskura

 

Zer da?

Helburua

  Gaur egun eskolarako joan-etorriak motordun ibilgailuetan egiteko ohiturak indarra du herrian eta joera hau aldatu nahi da herriko bide-segurtasuna hobetuz eta ikasleen autonomia indartuz, azken finean espazio publikoa pertsonentzat berreskuratuz.

Nola egingo da?

Oñati haurren begiekin

Mugikortasun aktiboa eta autonomoa

Eskolako bidea gai hartuta argazki lehiaketa eta erakusketa (2016ko martxoaren 14tik 18ra)