“Arantzazutik Artasoko basora” mendi irteera

Aizkorri-Aratz Parke Naturaleko mendi irteerak .
Noiz 2019/06/09 09:00
Non Arantzazuko Parketxean
Harremanetarako Izena
Harremanetarako Telefonoa 943 782 894
Hitzordua egutegira gehitu vCal
iCal
Arantzazuko parketxetik

Ekainaren 9an, igandearekin, Aizkorri-Aratz Natura Parkea ezagutzen jarraitzeko ibilbide berri bati ekingo zaio Arantzazuko Adiskideen eta Arantzazuko Parketxearen eskutik. Artasoko baso ederra ezagutuko dugu eta mintzagai nagusia pago motzak eta ikazkintza izango da. Sail horretan aditua den Valentin Mugarza izango da gurekin azalpenak ematen, Aizkorri-Aratz natura parkeko zuzendaria izateaz gain, pago motzen arloa gutxik bezela ezagutzen duena.

Goizeko 9:00etan Arantzazuko Parketxean elkartu eta bideari ekingo diogu Artasoko basoraino. Han adin ezberdineko pago motzak ikusi eta haien ezaugarriak ezagutzeko aukera izango dugu. Pago motzetatik ateratako egurra ikazkintzan nola baliatzen zuten ere jakin ahal izango dugu. Ondoren, parketxera itzuliko gara bide beretik.

Zailtasun ertaineko ibilbide bat izango da (7km eta 300m-ko desnibelarekin gutxi gorabehera) publiko orokorrari zuzendua eta 4-5 ordu inguruko iraupena izango duena. Azalpenak euskaraz izango dira.

Prezioa 3€koa izango da pertsonako. Parte-hartzeko aurrez izena eman behar da.

Informazioa eta erreserbak: 943 78 28 94 / 699 335 183 arantzazu@gipuzkoamendizmendi.net