"Bertoko eta urrutiko ipuinak" Ipuin saio musikatua

Ipuin saio musikatu hau Nerea Ariznabarreta kontalari eibartarraren eta Mariano Hurtado musikariaren eskutik datorkigu (Naita produkzioak)
6 urtetik gorako haurrentzako.

Maitasuna, konfiantza eta biziraupena bezalako gai unibertsalez arituko gara kultura ezberdinen begiradapean; Sioux indiarrak, tuneztarrak eta euskal herritarrak gehiago ezagutuz.
Errespetu eta umoretik kontatu eta kantatuko ditugun legenda hauetan amets harrapariak, arranoak, basamortuak, astoak, merkatariak, baserriak, anai – arrebak eta mendiak azalduko zaizkigu. Zuzeneko musikak leku bakoitzera eramango gaitu bertako kulturen usain eta zaporeak gogora ekarriz.

Gonbidapenak abenduaren 1etik aurrera, liburutegian.