Partaidetzazko aurrekontuak

2026-2027

Udal aurrekontuaren 600.000 € zertan inbertitu herritarren artean eztabaidatu eta erabakitzeko prozesua abiatu du Oñatiko Udalak. 2025eko irailean hasi eta 2026ko urtarrilera arte luzatuko da partaidetza prozesua eta 2026 eta 2027 urteetan burutuko dira proposamenak.

2025eko irailean, Oñatiko herritar guztiek nahi beste proposamen egin ahalko dituzte. Urritik abendura bitartean, jasotako proposamenak aztertu, lehenetsi eta baloratuko dira. Eta azkenik, 2026ko urtarrilean, bozketa bidez erabakiko da zein proiektu burutuko diren 2026 eta 2027 urteetan.