Oñatiko udala
Esperientzia partekatuak
Ezagutzak eta esperientziak herritarren artean partekatzeko aukera eskaintzen duen espazioa.
Naturaren, kultur eta etnografia ondarearen eta ingurumenaren ezagutza eta kontserbazioan esperientzia eta jakituria duten herritarrek, beren ezagutzak beste herritar batzuekin partekatzeko aukera eskaintzen du espazio honek.
Herritarren jakituriari lekua eta plaza emateko espazioa da, herritik herriarentzat sorturikoa. Formatua, askotarikoa izan daiteke: hizketaldiak, ibilbideak edo tailerrak, esaterako. Eta, gaiak ere, askotarikoak dira: sendabelarrak, kosmetika naturala, botanika, ornitologia, baso-bainuak…
Esperientzia partekatuetan, bere jakituria-esperientzia partekatu nahi duen oro gonbidatzen dugu Natur Eskolako lantaldearekin harremanetan jartzera!