“Hariak, jostorratzak eta zauriak”

Mireia Delgado Exposito durangarra etorriko da Oñatira eta ikuspegi feminista duen Hariak, jostorratzak eta zauriak izeneko narrazioa eskainiko du.

“Lotzen gaituzten hariak ikusezinak omen dira eta, batzuetan, zaila da haien neurria hartzea. Halere, beraien indarra senti daiteke. Eta batzuetan, hain dira indartsuak, beraien gainean orekari eusteko gai izaten gara. Ikuspegi feminista duen ahozko narrazio hau ekilibrista izan nahi duen elefante batekin hasi eta zauriak ondo josteko errezeta batekin bukatzen da. Narrazio saioak ez die entzuleei sartu diren bezala ateratzen utziko. Hunkitzeraino solemnea eta barre eragiteko bihurria.”

Iturria: Kontzejupetik aldizkaria