Unibertsitate atzealdeko aparkalekuak hustuko dira birgaitze lanetarako materiala uzteko

  Astelehenean hasiko diren birgaitze lanetarako materiala eta langileentzako aldagelak unibertsitate atzealdeko aparkatze-gunean jarriko dira bihar. Horretarako, egoilarrentzat markatuta dauden hainbat aparkaleku hustu beharko dira, konkretuki, Aita Mortara kalearen barrenean geratzen direnak, unibertsitatearen atzealdekoak. Hutsik utzi beharreko aparkalekuak gaur seinaleztatuko dituzte udaltzainek bihar goizean gunea garbi eta materiala deskargatzeko moduan egon dadin. Sancti Spiritus unibertsitateko birgaitze lanak 9 hilabetez luzatzea aurreikusten da eta aipatu gunea itxita, autoentzako pasabiderik gabe mantenduko da, lanek iraun bitartean.

Iturria: Oñati Irratia