Oñatiko udala

Udana eta Elorregi arteko errepidea 20-25 minutuz itxiko da ostiralean, emakumeen itzulia dela eta

2025/05/13
Card image cap
GI-2630 errepide nagusia trafikorako moztuta egongo da, 9:45etatik tropela pasa arte

  Zumarragan hasi eta Agurainen bukatuko den Itzulia-Women txirrindulari lasterketaren lehenengo etapak hainbat kilometro egingo ditu Oñatin barrena, ondorioz, bidea, trafikorako itxita egongo da, 20-25 minutuz. Emakumezko txirrindularien tropela Udanatik behera etorriko da, Elorregin, Arrasaterantz hartzeko. Ibilbidea GI-2630 errepide nagusitik egingo dute baina honekin lotura duten bide txikiagotan ere eragina izango du; errepidea 9:45etan itxiko da eta lasterketa pasatu ahala irekitzen joango da. Denbora beharko da trafikoa guztiz normaltzeko eta pazientzia eskatu da. 

  Apirilean ere antzerako oharra eman genuen, orduan, gizonezkoen itzuliaren laugarren etapa guretik pasa behar zuelako. Orduan, ordea, arratsaldeko lehen orduan pasa zen tropela eta lanerako joan-etorrietan zuzenean eragin zuen. Ostiral honetan, goizeko10ak aurretxoan izango da, eta trafikoan eragingo du, esan bezala, baina ez da hainbestekoa izatea aurreikusten.

Iturria: Oñati Irratia

Harpidetu boletinera

Jaso emailez Oñatiko albisteak astean behin!