Kutsatze arriskuari aurre egiteko, neurri eta gomendio berriak (2020-3-16)

  Batetik, gaurtik aurrera, bertan behera dira Herritarren Arreta Zerbitzuko (HAZ) eta gizarte zerbitzuetako aurrez aurreko arreta zerbitzuak. Hori bai, bere horretan jarraituko du telefono bidezko zerbitzuak. Hala, posible litzateke telefonoz edo era telematikoan egin litezkeen tramiteak egitea. Dena den, Oñatiko Udalak jakinarazi nahi du tramiteen, izen-emateen (udalekuak, begirale lanpostua...) eta bestelakoen epemugak atzeratzea dakartela neurriok, eta, beraz, murgildurik gauden salbuespenezko egoera hau bukatzean, aukera izango dela aipaturiko horiek egiteko. Horri lotuta, Haur eta Gazteria Sailetik gogorarazten da udal webgunean ere badela udaleku irekietan eta arte udalekuetan izena emateko aukera, eta bide hori erabil dezaten dei egiten die herritarrei. Bide batez, udalak gogora ekarri gura ditu HAZeko eta gizarte zerbitzuetako telefono zenbakiak:

  - Herritarren Arreta Zerbitzua (HAZ): 943 780 411 edo 010 (Oñatitik deitzen dutenendako, doakoa).
  - Gizarte Zerbitzuak: 943 037 700.

  Bestetik, mugatu egingo da Herribusaren ohiko zerbitzua, eta, bertan behera utzi, herrigunetik Arantzazura bitartekoa. Hauxe izango da Herribusaren ordutegi berria, gaurtik aurrera:

            Astelehenetik ostiralera                                         Larunbata

                  7:30 A linea                                                     9:00 B linea

                  9:30 B linea                                                    10:30 C linea

                11:00 C linea                                                    12:00 B linea

                 12:00 B linea                                                    13:30 A linea

                 13:30 A linea

                 14:30 C linea

                 16:00 B linea

                 17:30 A linea

                 19:00 B linea

                 20:30 C linea

  Beste behin, osasun alorreko adituek egindako gomendioak errespetatzeko deia egiten die udalak herritarrei. Hala nola: egunerokoan metro eta erdiko distantzia errespetatzea -erosketak egitean, ilaran egotean, lanean…-; higiene gomendioak errespetatzea; ahal bada, dirua ez erabiltzea -txartel bidez ordaindu daitekeen kasuetan, hura erabiltzea-; ahal den neurrian, lana egiteko bitarteko telematikoak erabiltzea… Bukatzeko, Oñatiko Udalak eskerrak eman gura dizkie herritarrei ezohiko egoera honen aurrean erakusten ari diren konpromiso eta arduragatik.

Udal Gobernu Taldea