Gaztelekuaren aldameneko pasabidearen asfaltatzea gaur amaituko da

  Tentsio ertaineko konexio berri bat bideratzeko lanak egin dira azoka atzealdean. Lanak Oñagik egin ditu, jaietan, bereziki, plazako konexioak hobetze aldera. Gaztelekua eta udaltzaingoaren eraikinen arteko pasabidearen zati bat zulatu behar izan zen eta lanak aprobetxatu dira pasabideko euri urak egoki hartu eta berriro asfaltatzeko. Asfalto inpresoa egiten ibili dira eta gaur amaitzea aurreikusten da. Lanak bukatuta pasabidea irekiko da.

Iturria: Oñati Irratia