Eva Gayubo jeltzaleak zinegotzi kargua utzi zuen atzoko Osoko Bilkuran

  EAJren udal taldean bigarren kargu uztea izan da; Amaia Erostarbe bozeramaleak uztailean gauzatu zuen eta Pertsonal, Hirigintza eta Ingurumena batzordeetan izan den ordezkari jeltzaleak atzoko Osoko Bilkuran.
Gayubok bizitako esperientzia erronka handi bat izan dela esan zuen, udalarena guztiz arrotza zitzaion jarduna zelako, eta emandako babes eta laguntzagatik guztiak eskertu zituen. Xabier Mugarza alderdikideak lanerako prestutasun eta kapazitate handia azpimarratu zituen eta Izaro Elorza alkateak, berriz, egindako lana. Guztiek eskerrak eman zizkioten. Bilkuraren amaieran lore-sorta jaso zuen jeltzaleen eskutik eta udalbatzako kide guztien besarkada.

  Gayubok udalbatzan utzi duen hutsunea betetzeko, EAJren udal hauteskundeetarako zerrendan agertzen den hurrengo hautagaiaren izenean, Jose Antonio Marquez Nougüesen izenean, kredentzialak eskatuko direla argitu zuen idazkariak.

Iturria: Oñati Irratia