Bozketaren emaitzak

BOZKETAREN EMAITZAK

2025eko irailean abiatu zen 2026-2027 urtetarako Partaidetzazko Aurrekontuen prozesua amaierara iritsi da. Herritarren parte-hartzearekin, datozen bi urteetarako inbertsio lehentasunak zehaztu dira.

Azken fasea, bozketarena, 2026ko urtarrilaren 12tik 30era bitartean egon da zabalik. Oñatin erroldatutako 16 urtetik gorako herritarrek 23 proposamenen artean 7 aukeratzeko aukera izan dute, online edo eskuorrien bidez.

Bozketaren parte-hartze datu orokorrak:

Jasotako botoak (online eta eskuorritan) guztira: 1.052.
Boto baliogabeak: 41 (% 4).

Arrazoiak: erroldatu gabeak, birritan bozkatutakoak, daturik gabeak 7 aukera markatu ez dituztenak

Boto baliodunak: 1.011 (% 96).

Aurrekontuaren mugaraino (600.000 €) sartu diren proiektuak honako hauek dira, jasotako boto kopuruaren arabera ordenatuta:

ZK.	PROIEKTUA	BOZKA KOPURUA	AURREKONTUA	BOZKAK %
8	Arboleda pasealekuan ibilgailuen bidegurutzeetako oinezkoen arrapalak egokitzea	552	47.000 €	% 54,59
1	Zakarrontzi gehiago jartzea herriko hainbat lekutan	472	10.000 €	% 46,69
3	Bidaurretako berdegunea aisialdirako zein atsedenerako gune bihurtzea	444	20.000 €	% 43,92
19	Plazako komun publikoak berritzea	420	150.000 €	% 41,54
18	Herriko iturri historikoak eraberritzea	418	108.000 €	% 41,34
22	Plazako adokinak konpontzea	400	225.000 €	% 39,56
4	Bidaurretako zuzengunean aterpea jartzea	324	20.000 €	% 32,05
2	Bankuak jartzea edota egokitzea herriko hainbat lekutan	315	15.000 €	% 31,16

Hemendik aurrera, udaleko zerbitzu teknikoek proiektuen garapena eta exekuzio egutegia zehaztuko dituzte, 2026-2027 aldian gauzatzeko. Proiektu bakoitzaren bilakaeraren berri emango da, herritarrek jarraipena egin ahal izan dezaten.