Oñatitik Elgoibarrera presoen eskubideen aldeko bizikleta martxa, igandean

  Eta abiatu, Debagoiena eta Debabarrena bizikleta martxa batez lotzen abiatuko da maiatzaren 30ean, igandearekin.

  Bizikidetzan aurrera egiteko, salbuespenezko espetxe politikarekin amaitzea ezinbestekoa dela argi du Sare mugimenduak eta helburu hori lortzeko herritarren bultzada beharrezkotzat jotzen du. Euskal herritarrak mugimenduan jarri nahi ditu Ibilian-ibilian etxerako bidean lelopean herrialdez herrialde antolatuko diren martxa eta erronken bidez.

  Sareren dinamika berri hau Deba arroan abiatuko da Oñati eta Elgoibar arteko bizikleta martxa batez Gotzon Telleria eta Joseba Arregi oñatiarren eta Sebas Etxaniz elgibartarraren egoerak bereziki salatzeko. Telleriak gaixotasun larri bat du baina preso dago, eta preso baita ere Arregi, 75 urte dituen arren. Etxanizek berriz 78 urte ditu eta etxean dagoen arren eskuko telematikoa dauka.

  Igandeko bizikleta martxa 10:00tan abiatuko da Oñatitik eta 13:00tan Elgoibarra iristea aurreikusten da. Plazan izango den ekitaldi batez bukatuko da ekimena.

  Hurrengo asteburuan, ekainaren 5 eta 6an, bailarako herri gehienetan ekimen desberdinak antolatuko dira, Unairen aldeko bertso saioa Arrasaten edota mosaiko koloretsua Aretxabaletan, esaterako.

  Bailarako ekimen hauen ondoren beste eskualde bati pasako zaio lekukoa eta bailaraz bailara ekintza ugari burutuko dira urria bitartean, Sareko ordezkariek atzo plazan eskainitako prentsa agerraldian zehaztu zutenez.

Iturria:Oñati Irratia