Oñatiko udala

Munazategi sektoreko xehetasun azterketa eta Migelena sektoreko plan partzialaren aldaketa aztergai izango dira gaurko Osoko Bilkuran

2021/01/28
Card image cap

Munazategi sektoreko xehetasun azterketa aurkeztu du Ulma kooperatibak. Helburu nagusia P1 deritzon partzela hirutan zatitzea, eraikigarritasuna banatu eta partzela berrietako baten gehienezko altuera jasotzea da. LKS Ingenieriak osatu duen dokumentuaren arabera, P1 partzela hirutan zatituko litzateke Ulma Agricola, Packaging eta Construccion enpresen artean, aldi berean, bakoitzari legokioken azalera eta eraikigarritasuna ere zehazten da xehetasun azterketan. Munazategi sektoreko Plan Partzialak eraikinen gehienezko altuera mugatzen zuen eta xehetasun azterketak  altuera handitzea proposatzen du, horretarako arrazoiak eta arau oinarriak  argudiatuta. Guztia azalduko da arratsaldeko Osoko Bilkuran eta onartu ala ez erabaki beharko du udalbatzak.  

  Migelena sektoreko Plan Partzialaren aldaketa ere aztergai izango da gaurko bilkuran.

  Herriko etxe eta baserrietan egin asmo diren hainbat obra interes bereziko izendatzeko eskaerak ere aztertuko dira. Izaera berezi hori onartzen den kasuetan aurrez finkatutako hobaria aplikatuko da udal tasetan. Diru kontuekin jarraituz, udal langileen 2021erako soldata igoera eta gizon eta emakumeen arteko aukera berdintasunaren eremuan lan egiten duten elkarteei zuzendutako dirulaguntzen oinarriak onartu eta deialdia egitea ere proposatuko da. Udaleko Berdintasuna departamentuak urtero ematen dituen dirulaguntzak dira. Pasa den asteko Tokiko Gobernu Batzarrean onartu ziren baina Osoko Bilkuraren onespena behar dute deialdia egiteko. Aurten, 4.070 euroko diru poltsa gorde da dirulaguntza hauetarako.

  18:30tan hasiko da urtarrileko Osoko Bilkura eta Oñati Irratiak zuzenean eskainiko du.

Iturria: Oñati Irratia

Harpidetu boletinera

Jaso emailez Oñatiko albisteak astean behin!