Lizitaziora atera da berriro Arantzazun , Azpilletako eta Goiko Bentako ur sareak lotzeko lana, aurrekontua eguneratuta

  Udan egin zen lehen esleipen prozesua bertan behera utzi zen, ez zelako eskaintzarik aurkeztu. Orain, jatorrizko aurrekontua %10 jasota, lanak esleipenera atera ditu berriro Udalak, Arantzazu auzoan dauden ur hornidura arazoak behin betikoz konpondu ahal izateko.

  Arantzazu auzoa bi ur depositutatik hornitzen da: Goiko Bentakoa eta Azpilletakoa. Santutegi ingurukoak ez diren baserrietara bideratzen da Azpilletako deposituan bildutako ura. Baina egun, Gipuzkoako Ur Kontsortziok kudeatzen duen uraren ziklo integraletik kanpo dago eta bertatik bideratze zen urak kontsumorako kalitate irizpide guztiak ez zituela betetzen.ikusi zen azken bi urteetan egindako analisietan. Horregatik, Udalak, Gipuzkoako Ur Kontsortzioak eta auzotarrek arazoari irtenbidea emango lioken azpiegitura berria gauzatzea adostu zuten, hau da, Azpilletako depositua eta Goiko Bentakoa elkarrekin lotzea.

  Goiko Bentako ur-sarea Azpilletako ur-sarearekin lotzeko, egun Zelai Zabal jatetxeko ur hartune ingurutik abiatu eta Zapiarbe baserri ingururaino hodi berri bat botatako da. Akuegiko errota inguruan, bi tarte txikitan, errefortzuak egingo dira eta beste zenbait puntutan presioa murrizteko eta trazatuan hobekuntza lanak egitea aurreikusten da. Azpilletako ur-deposituan punpatze sistema berria jarriko da, Mendietxeberri baserria hornitu ahal izateko, eta bide horretan, argindar hartune berria egingo zaio ur-deposituari. Ur-kontagailu guztiak berrituko dira eta Azpilleta ur-andeleko giltza ganberako kolektoreak aldatuko da.

  12 astetan egin beharreko lanon aurrekontu berria 228.834,57 euro da, ekainean zehaztu zena baino %10,28 handiagoa. Bigarren lizitazio prozesua abian daeta enpresek urtarrilaren 23ra arteko epea dute beraien proposamenak aurkezteko. Eskaintza ekonomikoa izango da lanen esleipenerako irizpidea. Helburua da lanak uda aurretik egitea, Arantzazu auzoko ur hornidura arazoak urte sasoi horretan areagotzen baitira.

Iturria: Oñati Irratia