Lau orduko ur mozketa izango da bihar Garibai auzoan

  Garibai auzoko 16 baserri eta eraikini, ia auzo osoari, eragingo dio bihar goizeko ur mozketak. Bihar 8:45tatik 12:45tara urik gabe utziko diren etxeak Garaibai auzoko 2-3-4-6-7-8-10-11-12-13-14-15-16-17-27 eta 29 zenbakidun eraikinak izango dira. Ur hodi bat desbideratu behar da, Munazategirako errotonda eratzeko lanak tarteko, eta lau orduko ur etena egingo da, lanak arazo barik osatzeko. Ur mozketak eragingo dien etxeetan jakinarazi da dagoeneko.

  Bihar goizeko ur mozketa ez da izango datozen egunetan Garibaiko auzotarrei eragingo dien bakarra, bai ordea, handiena edo orokorrena, etxe askori eragingo diena, alegia. Ur hoditerian beste aldaketa txiki pare bat egitea aurreikusten da baina horiek etxe gutxiagori eragingo dietela adierazi digute Gipuzkoako Urak-eko teknikoek. Lanok datozen egunotan egin asmo dira, San Migel egunaren bueltan hainbatek jai edo opor txikiak dituztela probestuz. Baina aurreikuspenak bete ahal izango ote diren ezin da guztiz ziurtatu. Horregatik, Gipuzkoako urak duen web atarian argitaratu edo zuzenean etxean jaso daitezken jakinarazpen oharrei adi egoteko eskatzen da.

Iturria: Oñati Irratia