Irailaren 1ean hasiko dira Oñati Irratiaren emanaldiak

  Udako oporrak atzean utzita lanean dira Oñati Irratiko kazetariak. Irrati denboraldi berria irailaren 1ean, asteazkenean hasiko da. Merkatu Txikia tartea eskainiko da eta iraileko Kontzejupetik aldizkariaren edukiak aurreratuko dituzte Iñigo Arregi elkarrizketatuta.

  Hurrengo egunerako, ostegunerako, Alkatearekin berbetan saioa iragarri dute eta Izaro Elorzarekin zuzenean arituko dira. Entzuleek elkarrizketan parte hartu ahal izango dute, telefonoz deituta (943 782 072), edo aurrez mezua posta elektronikoz bidalita, irratia@onati.eus helbidera.

Iturria: Oñati Irratia