Hiru auzo bide asfaltatuko dira aurten

2017/06/28
Card image cap
Lanok abuztuan egingo dira, herri gunean beste asfaltatze lan batzuk egin behar direla aprobetxatuz

  Apirilaren 24ko auzo alkateen foroan adostutakoaren arabera, hiru baserri bide asfaltatuko dira: Uribarrin, Azkarraga Errota baserrirako aldapa; Garagaltzan, Errotatxo baserrirako auzo bidea Lamiategiko bidegurutzetik hasita eta Zubillagan, Erguiña baserrirako bidean dauden hainbat zulo. Asfaltatze lan hauek ia 57.000 euroko aurrekontua dute eta Firmes Alaveses enpresak egingo ditu.

  Enpresa berarekin hitzartu da herri gunean dauden hainbat kaleetan asfaltatze lanak egitea: Portu kalean, Santa Marina plazan Pakita altzariak aurrealdean, San Lorentzo auzoan 16 eta 17 zenbakien atzealdean, Ibarran Cegasa ondoan eta Berezao industrialdea Natra ondoan. Kaleko eta auzoetako asfaltatze lanak elkarren segidan egingo dira, uztaila amaiera abuztuko lehen hamabostaldian zehar.        

Iturria: Oñati Irratia

Harpidetu boletinera

Jaso emailez Oñatiko albisteak astean behin!