Auto bat lapurtzen saiatu ziren Olaitturriko aparkalekutik, zapatu ilunkaran
Larunbatean, 20:30ak inguruan, Olaitturrin aparkatuta zuen autoaren bila joan zen herritar batek bi gazte ikusi zituen ibilgailuran barruan. Bertaratutakoan ihes egin zuten eta orduan konturatu zen motorra martxan jartzeko kableak manipulatzen aritu zirela. Kasua Ertzaintzan salatu zuen eta gazteen deskribapena eman zuen, baina ez zen inor atxilotu.
Domeka arratsaldean berriz, Urrintxo parean, arbola bat sutan zegoenaren abisua jaso zuen Ertzaintzak eta suhiltzaileei deituta, hauek itzali zuten. Udaltzaingoan, bestalde, gas usain handia zegoenaren abisua jaso zen Bidebarrietan kaletik, ostiral arratsaldean, eta bertaratuta, gasa ez baizik eta erregaia, gasolina galtzen zuen auto bat topatu zen inguruan. Jabeari abisua eman zitzaion.
Iturria: Oñati Irratia
Harpidetu boletinera
Jaso emailez Oñatiko albisteak astean behin!