Arantzazuko autobus zerbitzuak udako ordutegia beteko du domekatik aurrera
![Card image cap](https://www.xn--oati-gqa.eus/eu/berbia/albisteak/arantzazuko-autobus-zerbitzuak-udako-ordutegia-beteko-du-domekatik-aurrera/@@images/cd767a56-d652-4734-9bf3-6a5bd5e71512.jpeg)
Apirilarekin batera sartuko da indarrean udako ordutegia Oñati eta Arantzazu elkar lotzen dituen autobus zerbitzuan. Horrek esan nahi du zerbitzua ordubetez luzatuko dela, arratsaldetan. Arantzazura igotzeko azken autobusa 17:30tan izan da orain arte, baina 18:30tan izango da igandetik aurrera. Beste horrenbeste Arantzazutik jaisteko, zerbitzua 19:00tan amaituko da, eta ez 18:00tan orain arte bezala. Goizeko lehen autobusen ordutegian ez da aldaketarik izango, 7:30etan hasita ordubetero irtengo da autobusa Oñatitik eta 8:00tan Arantzazutik.
Herribusak Arantzazurako ibilbidea domeka eta jaiegunetan betetzen du. Beraz, datorren astean ere, Ostegun eta Ostiral Santu egunez eta Pazko astelehenean ere Arantzazura autobusez joan-etorria egiteko aukera izango da.
Arantzazurako autobus zerbitzuan igandean indarrean sartzen den udako ordutegiak urria amaierara arte iraungo du.
Iturria: Oñati Irratia
![](/++theme++oinati-theme/img/i_harpidetu.png)
Harpidetu boletinera
Jaso emailez Oñatiko albisteak astean behin!