Aldi baterako administrari plaza betetzeko elkarrizketak bihar egingo dira

2021/11/30
Card image cap
Lau hautagai daude Lanbideren bitartez bideratu den prozesuan

  Udalak aldi baterako beteko duen administrari plaza enplegua sustatzeko toki ekintzetarako Lanbideren dirulaguntzen baitan kokatzen da. Horregatik hautagaien izen-ematea eta lehen aukeraketa enplegu zerbitzutik bideratu da. Udalak eta Lanbidek zehaztutako baldintzak betetzen dituzten lau hautagai daude eta horiek bihar goizean elkarrizketatuko dira. Hautaketa prozesua aste honetan bertan burutu asmo da, langile berria abendu erdialdean lanean hasi dadin.

  Administrazio elektronikoa ezartzeko lanetan jardungo du administrariak. Udalak lau hilabeterako eta %80 lan jardun partzialaz kontratatuko du.

  Laneratzeko zailtasunak dituzten kolektiboak kontratatzea da Lanbidek tokiko erakundeei eskaintzen dizkien dirulaguntza hauen helburua. Hala, 55 urtez gorakoak, emakumeak eta langabezian denbora luzez dauden eta gutxieneko diru sarrera batzuk bermatzeko RGIa deritzona jasotzen dutenak bereziki babesten dira.

Iturria: Oñati Irratia

Harpidetu boletinera

Jaso emailez Oñatiko albisteak astean behin!