Herritarren iritzi eta zalantzak jasotzeko deia

Parte-hartze prozesutik martxan jarri ditugun lantalde ezberdinetako bat da Zubigileena eta, euren ekimenez, Emakumion etxia oñatiarrengana eta oñatiarrak Etxiarengana hurbiltzeko helburuz, kanpaina bat egingo dugu abenduaren 9tik urtarrilaren 7ra bitartean. "Zer da zuretzat Emakumion Etxia?" galderari erantzuteko, herriko hainbat lekutan postontziak eta erantzun-orriak jarriko ditugu, zure iritzia idatzi eta bertan uzteko. Postontziak leku hauetan egongo dira: HAZ, kiroldegia, Eltziako Topagunea, Gaztelekua, kultur etxea eta Emakumion Etxia. Online ere bete dezakezu galdetegia, hemengo lotura honetan.