Haurren danborradan parte hartzeko izen-ematea zabalik dago

  Irailaren 23an egingo da Haurren danborrada eta ireki da izena emateko epea. 2014an eta 2015ean jaiotako neska-mutikoak gonbidatu dituzte haurren danborradan parte hartzera. Online bidez soilik eman daiteke izena, hartarako propio osatu den inkesta beteta. Ikastetxeen bitartez zabaldu da bete beharreko formularioaren lotura elektronikoa. Ekainaren 12a izango da izena emateko azken eguna eta ondoren konpartsen zozketa egingo da.

  Izena ematerakoan, zaldi gainean irteteko gertu leudeken galdetzen zaie 2014an jaiotakoei eta zaldi gorotzak jasotzen irteteko prest leudekeen, guztiei. Era berean, eta danborrada egunean, goizez, San Martin egoitzara jotzera joango liratekeen galdetzen zaie izena ematen duten haurrei.

  Gurasoei berriz, entseguetan eta danborrada egunean lagundu dezaten eskatzen zaie. Prest daudenak antolatzaileekin harremanetan jarri behar dira, helbide elektroniko bidez (oinatikotanborradatxikia@gmail.com). Irailean egingo dira haur danborradarako entseguak.

Iturria: Oñati Irratia