4.700 euro banatuko ditu Udalak gazte elkarte eta sormen lanetarako

  Irabazi asmorik gabeko gazte taldeen jarduerak eta egitarau konkretuak garatu daitezen eman ohi ditu Haur eta Gazteria departamentuak gazte elkarteentzat eta sormenerako dirulaguntza hauek. Apirilaren 29an amaitu zen epean sei eskaera jaso ziren eta seiak ekonomikoki babestea erabaki da.

  Zarramarra taldeak sei podcast egin eta zuzeneko hiru saio prestatzeko laguntza izango du. Inguma taldeak diska grabatu eta masterizatzeko dirulaguntza jasoko du eta Unai Osak berriz, abestia grabatzeko ere bai.

  Elkarteen sustapena eta kultur sormen eta hedapenerako dirulaguntzen lehen deialdirako zegoen dirua guztiz agortu ez denez, bigarren dirulaguntza deialdia egingo da, urrian. Ordurako ia 11.300 euro geratu dira.

Iturria: Oñati Irratia