C1 prestatzeko ikastaroa antolatu du euskaltegiak
C1 agiria eskuratzeko prestaketa ikastaroa antolatu du udal euskaltegiak, beste uda batez. 80 orduko ikastaro trinkoa izango da eta ekainaren 26tik uztailaren 21era, goizetan, 8:30tatik 13:00ra egingo da. Helburua, ikastaroan parte hartzen dutenak HABEko 2. deialdiko azterketa itxira joateko prestatzea da.
Gutxienez 7 laguneko taldea behar da ikastaroak aurrera egin dezan. Ekaina hastearekin ireki da izen-emate epea eta ekainaren 21era arte luzatuko da. Ikastaroaren prezioa 120,50 euro da baina langabezian egon eta laguntzarik jasotzen ez dutenek doan izango dute; laguntza jasotzen dutenek berriz, matrikula hobaritua izango dute.
Argibide gehiagorako, egokiena, Bidebarrieta kalean dagoen udal euskaltegian galdetzea da. Izena ere, bertan eman behar da.
Iturria: Oñati Irratia
Harpidetu boletinera
Jaso emailez Oñatiko albisteak astean behin!