SGAE Fundazioak Miren Manias ikerlari oñatiarraren doktore tesia saritu du

2016/01/04
Maniasek, euskal zinemagintzari buruzko lana osatu du

  SGAE Fundazioak Ikerketa Sariak banatzen ditu urtero, eta 2015eko deialdian, Doktore Tesi Onenaren kategorian, bi lan saritu ditu: Noemí Pulido Pavónen Explorando el vínculo entre la economía del copyright y la política de competencia tesia batetik, eta Miren Manias Muñoz oñatiarraren Euskarazko zinemaren produkzioa eta finantziazioa (2005-2012): hamaika fikziozko film luzeren azterketa ekonomikoa tesia bestetik.

  Azken hamar urteetako dozena bat euskal ekoizpenen finantzaketa eta produkzio kostuak aztertu ditu Miren Manias ikerlari oñatiarrak iazko udan  aurkeztu zuen tesian. Euskal zinema industriaren egoera eta beronen indargune zein ahulguneak azaleratu ditu egindako lanean.

  Miren Maniasek, SGAE Fundazioaren deialdira aurkeztu zuen lana, eta epaimahaiak Doktore Tesi Onenaren saria eman dio, Noemí Pulido Pavónen lanarekin elkarbanatutako saria, hain zuzen.

Iturria: Oñati Irratia