Epeleko zabortegiak ordutegi berria izango du bihartik aurrera

2018/01/31
Card image cap
Industria eta gremioek eramaten dituzten hondakin ez arriskutsuak jasotzen dira Epelen

  Debagoiena osora zabalik dagoen zabortegia da Epelekoa. Aurrerantzean, eta bihartik bertatik hasita, ordutegi berria eta orain artekoa baino murritzagoa izango du Epeleko zabortegiak: astelehenetik ostiralera 9:00etatik 12:30etara eta 15:30etatik 17:30etara, Mankomunitatetik jakinarazi dutenez.

  Arriskutsuak ez diren hondakinen zabortegi honetan industria nahiz eraikuntza eta eraispeneko hondakinak jasotzen dira. Etxean obra txikia egiten duten herritarrek Urrutxuko Garbigunera eraman ohi dituzte hondakinak baina bolumen handiagoa mugitzen duten gremioek Epelera eramaten dituzte. Bertara ez dira herritar partikularrak joaten.

Iturria: Oñati Irratia

Harpidetu boletinera

Jaso emailez Oñatiko albisteak astean behin!