BISITA GIDATUA GUZTIONTZAT

2010/01/26
Oñatiko Turismo Bulegoak "Oñati Guztiontzat" izeneko ibilbide berria sortu du, era honetan, eta herriak dauzkan baliabideen probetxu hartuz, guztiontzat irisgarria izango den ibilbide bat egiteko aukera izango dugularik.

Ibilbide berri hau sortzerako orduan hainbat faktore izan ditugu kontutan, alde batetik, herriko txoko ezberdinak bisita honen bitartez turistei hurbiltzearena, eta bestetik, goian aipatu bezala, guztiontzat egokituta dagoen bisita bat izatearena, honela, Oñatiko herriak dauzkan altxorrez gozatzeko aukera guztiok izan dezagun.