Azokako saltzaile eta erosleentzat neurri bereziak hartu ditu udalak

2020/03/20
Card image cap
Zapatuko berdura azoka Kiroldegiko kantxa urdinean egingo da

  Covid-19 birusak sortu duen egoeraren eraginez, neurri bereziak hartu dira zapatuko berdura azoka egiteko. Ekoizle-saltzaile eta erosleentzako babes neurriak hartu dira:

  Ekoizle-saltzaileentzako oharrak

  - Zama lanak egiteko segurtasun neurriak hartu beharko dira (gutxieneko distantzia: 1.5 metro)

  - Postu bakoitzeko saltzaile bakarra

  - 70 urtetik gorakoak edo arrisku taldekoetakoak (gaixotasun kronikoak, organo transplantea dutenak, arnas arazoak dituztenak…) ezin dira saltzen egon

  - Eskularruak erabiltzea derrigorrezkoa da (saltzaileek ekarri beharko dituzte)

  - Saltzaile bakoitza aurrez egokitu zaion lekuan jarri beharko da

  - Salmenta postuetan bi mahai egongo dira: bat, eroslea eta saltzailearen artean (hutsik, erositako produktuak emateko); eta, bestea, saltzailearen atzean (elikagaiak gordetzeko)

  - Elikagaiak, ekoizleak soilik ukituko ditu eta erosleentzat ez dira eskuragarri egongo

  - Mahaiak garbi egon behar dira, uneoro

  Kontsumitzaileendako oharrak

  - Zubikoa kiroldegiko kantxa urdinean egingo da azoka

  - Familiako, pertsona bakarra

  - Azokara ez dira joango ez umeak, ezta 70 urtetik gorako pertsonak ere

  - Arrisku taldeetako pertsonak ez joatea gomendatzen da: bihotzeko gaitzak dituztenak, organoren bat transplantatua dutenak, arnasketa arazoak dituztenak…

  - 1,5 metroko gutxieneko segurtasun distantzia egongo da saltzaileen eta erosleen artean

  - Debekatuta dago elikagaiak ukitzea

  - Erosleei banaka eskainiko zaie zerbitzua, eta 1,5 metroko distantzia bermatuko da ilaran atzean dituenen artean

  - Sartu aurretik eskuak garbitu behar dira

  - Sarrera bakarra egongo da, baita irteera bakarra ere

  - Ordutegia: 8:00-13:30 (14:00etarako herritar guztiek kanpoan egon beharko dute)

Iturria: Oñati Irratia

Harpidetu boletinera

Jaso emailez Oñatiko albisteak astean behin!